This is a Work-in-progress
Manggaranon kita, di bala?
Pamangkuta bala si Heneral.
Di bala ginhatagan siya sang minilyon nga pabalon
Sang magretiro siya?
Pamangkuta bala ang PAGCOR
Isang bilyon man lang ang gingastos nila
Para sa ilang pangkape-kape.
Pamangkuta bala ang GSIS
Sang magbakal sila
Sang mga obra maestra ni Juan Luna.
Kag kun pamangkuton mo pa
Ang mga big boss sang mga pulis
Masarangan gid naton magbakal
Sang mga helicopter nga nagamit na sang mga herodes
Pero ang bayad para sa bag-o.
Manggaranon kita, di bala?
Indi mo lang paglantawon
Ang mga suldado sa patag-awayan
Nga nagakamang sa mga lunang
Kag nagasuksok sang busluton nga bota.
Kag mga bala nga nagabackfire
Kon palupukon nila.
Pasiplatan mo lang
Ang mga kabataan sa ospital
Na nagahigda sa isa lang ka kama.
O ang nagalugod-lugod nga mga tigulang nga nagapila
Sa opisina sang GSIS agod makuha
Ang mga pensiyon nila.
Di bala manggaranon kita?
Amo na nga wala na sang hold-apan,
Carnaping, kidnaping sa aton banwa
Wala na. Wala na, di bala?
Kag nagdaug kita sa boat racing
Bangod todo-todo ang suporta
Sang gobyerno ta.
Kag sa pag-uli nila may nabaton pa sila nga kwarta
Sa gobyerno ta, di bala?
