Minsan sa Pag-ibig
Minsang kinalas ang kadena
Sa unang pagkakataong pumintig
Ang pusong nahihimbing
Higit pa sa isang tasang kape
Ang enerhiyang dumaloy sa akin
Sa umagang aabangan ka pagdating ng alas siyete
Sabay nating binubuksan ang gate
Minsan nagsabay nagulat ka ng nagkasabay
Tayo sa pagbukas at pagtinging inakala natin
Nagkamali lang ako, sa iyong pagkagulat
Hinablot mo ang iyong kamay sabay hawi
Ngunit itinakda na tayo'y maging seatmate
Para sa iyo nagkataon lang, pero sa akin
Nang napuwing ako ng isang hibla ng iyong
Napakalambot na buhok, doon ko nalaman
Na isa itong katuparan
Ikinagulat kong nalaman mo sa iba
Ang lihim kong di ko napigilang ihayag
Napangunahan ako ng pakpak ng balita
At ito'y ikinasama, sapagkat hindi
Mo panahon ang panahon ko
Nalunod ako sa labis na pagkabigla
Sa biglaan mong paglisan
At ito ang nagsimula ng pagkamulat
May hinanap kang hindi ko naalintana
Naging maaga ba ang lahat
Nang mapagtanto mong naglalaro lang tayo?
