ni Jonah Eliza C. Prado
Aklan Catholic College
Kalibo
Ikaw hay tueog,
sa kadueom it gabii
sa hangin nga tao it electric fan
ag sa iwag nga gasiga sa liwan
Ikaw hay tueog,
kupkupi man ako
maeamig eon ro hangin
ang haboe una pa kimo
Ikaw hay tueog
mabaskog pa ing hueagok
owa mo ginpaeong ro TV
nagastos ka pa it kuryente
Ikaw hay tueog
nga bukas ro bintana
mga namok iya eon sang itsura
hala man akong dinapak kanda
Ikaw hay tueog
ag bugtaw ako
sa pagtilaok it manok
ako man ro matueog
