Aklanon Writers

Some Akeanon Writers


Julien R. Angor hay dati nga kabulig nga editor ag artist it New Horizon (Osmeña High School, Manila) ag nagtuon sa Aklan College sa Kalibo, Aklan, kon siin imaw nangin editor it Aklan Collegian. Ra binaeaybay nga Manok hay nabalhag sa Ani, Dec 1991.

John Barrios hay matawag nga multi-talented nga Akeanon. Bukon eang it manogbinaeaybay si John kundi pintor, artista, ag editor. Ra mga binaeaybay hay nabalhag sa Pagbutlak (opisyal nga publikasyon it mga estudyante it CAS, University of the Philippines in the Visayas (UPV), Miag-ao, Iloilo); Ani 21 (1993), Patubas (1995) ag sa Mantala (2000), Homelife, SanAg (2002) ag sa Hiligaynon. Isaea imaw ro founding members it Akeanon Literary Circle. Nagdaog imaw it Second Prize sa Bigkas Binalaybay 2002 nga gindumaea it UPV Sentro Ng Wikang Filipino. Isaea imaw nga editor it Bueabod, ro poetry journal it ALC. Ro ana nga binaeaybay The Mosquito hay nagdaog it first prize sa English category sa 1994 Miag-ao Summer Arts Camp. Natawo si John sa Lezo pero nagbahoe imaw sa Kalibo. Makaron hay propesor imaw sa UP High School Iloilo.

George T. Calaor hay natawo sa Malay ag isaea sa mga nagpundar it Akeanon Literary Circle. Fellow imaw sa 24th UP National Writers Workshop in the Visayas. Nagdaog imaw it third prize sa Hiligaynon category sa National Commission for Culture and the Arts (NCCA) All-West Visayan Poetry Competition.

Pett Regno Candido hay dati nga radioman and computer –lecturer ag nangin adviser it Akeanon Literary Circle. Ra bilding nga Pett’s Place hay ginhimo nga Poet’s Place it mga miyembro it ALC. May libro imaw nga Far Beyond Eternity (1987). Ra mga binaeaybay hay nabalhag sa Poetry.com ag sa Ani 21. Nagpanaw eon si Pett.

Rommel J. Constantino hay nagtapus it B.A. Accountancy sa UP in the Visayas. Ro ana nga mga binaeaybay hay nabalhag sa Ani 21. Si Rommel hay taga-Kalibo.

Allan F. Corro. Sa ulihi ko nga impormasyon, si Allan hay nagturo sa Daja Sur National High School sa Banga, Aklan. Ro ana nga binaeaybay hay mabasa sa Ani 21.

Alexander C. de Juan hay nangin vice-chair it ALC ag isaea sa mga editors it Bueabod. Nagdaog imaw it first prize sa NCCA All-West-Visayan Poetry Competition. Nangin fellow imaw sa 23rd UP National Writers Workshop. Ra binaeabay nga Bakit si Xela ay Nagdighay Pagkatapos Mag-Inom ng Coke hay isaea sa mga mayad nga binaeaybay nga ginpili ni Isagani Cruz’s Critic’s Choice (April, 1994) Starweek. Makaron si Alex hay nagaobra sa University Press it De la Salle University. Nagatuon man imaw it master’s degree sa UP Diliman. Sa Kalibo imaw natawo ag nagtapos ku ana nga B.A. Literature sa UP in the Visayas, Miag-ao, Iloilo.

Sumra I. de la Cruz hay bukon eang it manogbinaeaybay kundi isaea sa ginakilaea nga pintor it Aklan. Onga imaw ni Mr. Roman de la Cruz.

Roman A. de la Cruz hay editor, historian, short story writer, textbook writer, grammarian, lexicographer, lay worker. Imaw ro editor-publisher it Aklan Reporter, ag author it masunod nga libro: Life With the Family (2001), For the Child King: An Image and a Song (2001), Out of Too Much Grief (2001), Town of A Thousand (1993), Concordance on the Triune God (1997), Alone Along A Lonely Road (1973; 1987); Perceptions (c1998; 3rd printing, 2001), Is Christ God? (c1981, 3rd printing, 2001). Ro ana nga multi-lingual dictionary ro pinaka-importante nga kontribusyon nana sa Aklanon language. Imaw ro ginatawag nga Dean of Aklanon Journalists.

Vellyzarius I. de la Cruz hay isaea sa mga produktibo nga manunueat sa Aklan. Lima eon ka libro ro ana nga naobra: The Office; The Loved One; With Hope Undying; Earth Glare; ag Poems in Priase of God. Ro Akeanon nga binaeaybay ni Velly hay mabasa sa Ani 21. Nagtaliwan eon si Billy.

Greg M. Ibesate hay dati nga editor-in-chief it The Forum, ro opisyal nga publikasyon it mga estudyante sa Northwestern Visayan Colleges, Kalibo. Ro mga binaeaybay nana hay mabasa sa Ani 21.

Rosela S. Ignacio hay dati nga literary/feature editor it Aklan Collegian. Ro ana nga binaeaybay nga Baeod hay mabasa sa Ani 21.

Leo Franco B. de la Ostia hay nagtapos sa Science Development National High School sa Kalibo ag nagtuon sa John B. Lacson Colleges Foundation sa Iloilo City. Ro binaeaybay nana nga Ro Abilidad It Tawo ag A, Tao A! hay mabasa sa Ani 21.

Abou Ben G. Dianco hay nagtuon it civil engineering sa Aklan College kon siin imaw nangin English literary editor it Aklan Collegian.

Kenneth Ilio hay taga-Malinao ag naghalin sa mga maaeam nga pamilya. Ra tatay, Dominador Ilio hay kilaea sa Philippine Literature. Si Ken hay nagtapos it Doctor of Veterinary Medicine degree from the University of the Philippines, ag Master of Philosophy Degree sa Massey University (New Zealand), ag Doctor of Philosophy Degree in Veterinary Science sa University of Illinois at urbana-Champaign. Ra short story hay mabasa sa Stories Section it rayang website.

Dominador I. Ilio hay natawo ku 1913 sa Malinao. Nagtrabaho imaw bilang propesor sa hydraulics sa University of the Philippines College of Engineering bilang head sa Engineering Science Department ag Sekretaryo it andang kolehiyo. Tag nagatuon si Tay Doming ku anang MS in Hydraulics at the Univeristy of Iowa, nag-attend imaw sa poetry workshop ni Paul Engle. Pila sa mga libro ni Tay Doming hay:The Collected Poems of Dominador Ilio, Guerilla Memoirs (a novel), Madia-as (tales and legends in verse), The Katipunan of Aklan, and Vagaries of a Wild River. Makita ro mga binaeaybay ni Tay Doming sa http://www.malinao.net/tatay.

Ronnie A. Inventor hay nagtuon it civil engineering sa Aklan College ag kon siin imaw nag-umpisa it pagsueat. Ra mga binaeaybay hay mabasa sa Homelife ag sa Ani 21.

Nady Meren hay taga-Kalibo ag isaea sa mga founding members it Akeanon Literary Circle. Nagtapos imaw it engineering ag nagbueo it M.A. in Education sa Aklan College. Ra mga binaeaybay hay mabasa sa Ani 21.

Belle Nabor: A Filipino Haijin
As a haijin, or a haiku poet, she is recognized worldwide.

Her haiku have been published both in print and in the web. Her haiku have been published the Mainichi Daily News, a world famous newspaper that prints haiku. . Her other haiku were included in Sakura Anthology of Haiku published in Sweden along with other world famous haijin like Robert D. Wilson, Michael Rehling, an’ya, and 27 other poets, The Makata, Short Stuff, and in Poetry Country Mouse. Her popular blog, http://short.poems.blogspot.com/, that features her short poems: haiku, tanka, and cinquain, has been instrumental in her introduction to world haiku.

Her haiku were featured twice (September 2003 and Spring 2005) in the issues of Simply Haiku, edited and owned by a well known haijin, Robert D. Wilson.

In addition, some of her poetry has been printed on hand-made greeting cards made by the Red Dragonfly Cards from Malaysia.

The name of this Seventh Day Adventist lady and a boxing aficionado is Belle Nabor, an Aklanon.

Belle was born on August 2, 1972 in Ibajay, Aklan. Her father is a native of Numancia, while her mother is from Ibajay. She has one elder sister, and one younger brother. She also has one half-brother and one half-sister from her mother.

She first studied at Kalalake Elementary School in Olongapo City, then transferred to Bulwang Elementary School in Numancia, Aklan. She finished her secondary and tertiary education in Aklan College, Kalibo, Aklan. Now she works as a University Research Associate at the University of the Philippines in Diliman (UPD). At the same time, she is working for her master’s degree in education majoring in guidance and counseling at UPD where she is also studying French language.

Nita B. Payba hay taga-Altavas kon siin imaw nagaturo. Isaea imaw sa mga editors it Altavas Balita. Ro ana nga binaeaybay nga Sa Suba hay mabasa sa Ani 21.

Joeffrey L. Ricafuente hay taga-Kalibo ag imaw ro founding chair it Akeanon Literary Circle. Si Joeffrey hay bukon eang it manogbinaeaybay kundi playwright ag fictionist. Nagaturo si Goeffrey sa Aklan College. Sa Canada makaron ni Joef.

Am I. Roselo. Si Am ro pinakabata nga miyembro it Akeanon Literary Circle, pero ra mga binaeaybay ni Am hay may mature sense. Makita ra sa mga binaeaybay nana nga nabalhag sa Ani 21. Nagtapos si Am sa Science Development National High School, Kalibo, Aklan.

Monalisa T. Tabernilla hay natawo sa Makato, ag nagtapos it comparative literature sa UP in the Visayas. Ro mga binaeaybay ni Lisa hay nabalhag sa Philippine Graphic, Midweek, Diyarno Filipino ag Home Life. Makita man ro ana nga mga binaeaybay sa Ani 21.

Nynn Arwena G.Tamayo hay naga-obra sa Agrarian Reform Program sa DAR-Aklan. Nagtrabaho man imaw sa Archbishop Gabriel M. Reyes Memorial Foundation. Ginatawag si Weng-Weng nga “Big Sister” it mga Akeanon writers. Ra mga binaeaybay hay mabasa sa Ani, sa SanAg, ag sa Bueabod. Ra binaeaybay nga Haead Kay Arsena ro matawag nga isaea sa pinakmayad nga binaeaybay nga ginsueat it sangka Akeanon.