Nursery Rhymes in Aklanon

Pang Ungang Binaeaybay Nga Akeanonni
Melchor F. Cichon

August 15, 2005

Updated: April 20, 2007

Pauna nga Bisaea
Owa't pang ungang binaeaybay nga Akeanon bangud ro ginaturo sa eskuylahan nga pang ungang binaeaybay hay puro English.
Bangud kara nakilaea it mga unga nga Akeanon ro mga nursery rhymes nga obra sa ibang lugar pares it: "Twinkle, twinkle little star how I wonder what you are...", ag kato (1950s) hay ro "Bow wow wow, come a little master...".
Ag sa mabuhay eon nga dinag-on owa man gihapon it nakapiniino't magsueat it binaeaybay para sa mga ungang Akeanon.
Ro mga masunod nga binaeaybay hay ginsueat ko para sa mga ungang Akeanon. Kabay pa nga makapamukeat ra sa mga manogsueat nga Akeanon agod mas abo pa gid nga binaeaybay para sa mga unga't Akean ro masueat.
Ro mga binaeaybay nga mabasa ninyo hay ginsueat ko umpisa Hulyo 2005 hasta Agosto 2005.
Ro iba hay ginsueat nanday Cirilo Castillon ag ni Edna Laurente Faral, mga Akeanon nga naga-istar makaron sa Amerika.
Raya nga mga pang ungang binaeaybay hay ginahaead ko sa primero ko nga apo, Sean Marie Andren Cichon. ---Melchor F. Cichon, August 15, 2005

Buean , Buean

Buean, buean,
Taw-i ako't humay.
Sa Hong Kong si Nanay,
Sa Saudi Arabia man si Tatay.
***
Saea, Daywa, Tatlo
 Saea, daywa, tatlo
Rang Tatay hay owa’t trabaho;
Pero kon Dominggo,
Sa bueangan imaw gaadto.
***
Lunes, Martes, Merkules
Kon Lunes, Martes, Merkules
Rang Tatay hay Hercules;
Kon Hwebes, Byernes, Sabado,
Rang Nanay, owa’t ginasanto.
Pero kon Dominggo,
Gasimba kaming tatlo!
***
Dali, Dali Kamo
Dali, dali kamo,
Sa karsada kita maagto;
Ro buean, ro buean mahayag,
Igto kita maghilibayag.
***
Sa Akean
Sa Akean, sa Akean, sa Akean
Igto madakop kita’t ueang.
Sa Akean, sa Akean, sa Akean,
Igto gauli ro uean.
***
Totoy, Totoy
Totoy, Totoy
May baeon kita nga humay?
Huo 'Nay, huo 'Nay.
Sangka pinggan kay Tatay.
Sangka maeukong kimo 'Nay.
Ag sangga bandihado kakon 'Nay.
Ugaling owa kita't maski sangpudyot nga dayok 'Nay.
***
Rain, Rain Go Away
Rain, rain go away
Sunz and Bee want to play.
If you will not,
On their Silhig they will fly away.
***
Saea, Daywa, Tatlo
Saea, daywa, tatlo
Sa Eskuylahan it Hari indi eon ako makaagto.
Ap-at, lima, an-um, pito
Siin eon ro daan nga katedral it Kalibo?
Waeo, siyam, pueo
Ano pa ro andang gub-on sa banwa ko?
***
Maeubog eon ro Boracay
Maeubog eon, maeubog eon.
Maeubog eon ro Boracay.
Ayaw eon, ayaw eon
Pagdugangi ra kabug-aton,
***
Sa Ormoc Ako Naghalin.
Sa Ormoc ako naghalin.
Ano ring gin-obra rito, Ladylyn, Ladylyn?
Gintunggad ko ro suba igto
Nga nag-eumos it sanglibong tawo.
***
Sa Tacloban Masadya, Masadya
Sa Tacloban masadya, masadya
Ro poncan ginakabit sa dughan it mga maestra.
Sa Tacloban masadya, masadya
Ro poncan ginakabit sa dughan it mga maestra.
Ay ro andang hasayran owa ginadipara.
***
Ladylyn, Ladylyn
Ladylyn, Ladylyn
Ano kaaslum ro santoe?
Joycielyn, Joycielyn
Kasingeas-ay it baeoe.
***
Sa Karsada it Ormoc
Sa karsada it Ormoc
Daywang libo ro natueog
Bangud sa andang kabukiran
Ro mga kahoy ginpang-utod.
***
Kagwapo, Kagwapo Gid Kimo
Kagwapo, kagwapo gid kimo,
Pares it kuring sa Eveready;
Kagwapa, kagwapa gid kimo,
Pares it lavander sa Palmolive.
***
Tigidig, Tigidig, Tigidig
Tigidig, tigidig, tigidig
Sakay eon sa banig.
Tigidig, tigidig, tigidig
Madaea kita’t sab-ang sangbulig.
***
Matabok kita sa Aklan Bridge
Matabok kita sa Aklan Bridge
Ipahaum eon ring handum:
Matabok kita sa Akean,
Buean, buean sudli eon ro among taeagbasan.
***
Mamasyar Kita sa Aklan Bridge
Mamasyar kita sa Aklan Bridge.
Tan-awon naton ro basura sa pangpang.
Mamasyar kita sa Aklan Bridge.
Tan-awon naton kon ro basura
Una pa sa binit.
***
Fall in Line, Fall in Line
Fall in line, fall in line,
Said the young woman in green.
Fall in line, fall in line,
Said the off-beat man in red.
Fall in line, fall in line,
I wish you were in pink and mine.
***
One, Two Bato
One, two bato;
Three, four bapor.
You loved me before,
But now you will love me more.
***
One, Two, Three
One, two, three
Asawa ni Marie.
Adlaw, gabii
Gakaon it mani.
***
Uean, Uean
Uean, uean
Ayaw it hueaw.
Uean, uean, uean
Ayaw anay it panaw,
Owa pa si Tatay katanum.
***
May Pispis Ako Nga Bukaw
May pispis ako nga bukaw
Gindakop ko sa Malinao.
Adlaw-adlaw ginataw-an ko't bolinao,
Pirme eang kuno imaw nga ginapa-rock and roll.
***
Evelyn, Evelyn
Evelyn, Evelyn, Evelyn,
Siin si Ladylyn?
Igto imaw sa baeay ni Jocielyn
Nagatukar sanda't violin.
***
Kon Magsikaeum
Kon magsikaeum,
Gaamat-amat ro kalibutan sa pagdueom,
Kapin pa gid kon ligumdueom;
Pero gahayag rang panan-awon
Kon ikaw kakon gayuhom.
***
Kon Gasilak ag Mag-asaw-asaw
Kon gasilak ag mag-asaw-asaw,
Bantayan ro baeangaw.
Kon ro kalibutan magdueom,
Bantayan kon paano it kilat ro kaeangitan siaron.
***
Bow, Wow, Wow
Bow, wow, wow
Anyo ka nga ayam?
Tao ngani
Owa ako't hasayran?
Bow, wow, wow
Anyo ka nga ayam?
Tao ngani
Ginhaboy ako sa basurahan.
***
Aklan Bridge, Aklan Bridge
Aklan Bridge, Aklan Bridge
Gaeagiik eon, gaeagiik eon.
Aklan Bridge, Aklan Bridge
Gahapay eon, gahapay eon.
Basi mapusdakan ro Ati!
Sa idaeum, sa idaeum.
***
Sa Tigayon, sa Tigayon
Sa Tigayon, sa Tigayon
May eungib nga madaeum.
Sa Tigayon, sa Tigayon
Ro eungib may pinggan,
Mas magueang pa kay Magellan.
***
Inday, Inday
Inday, Inday
Tueog eang anay
Gapang-eaba pa ring Nanay
Sa pihak nga baeay.
***
May Bukaw sa Pihak nga Baeay

May bukaw sa pihak nga baeay
Gintaw-an ko't monay
Ana ako nga ginmueay.
***
Sa Maeara, Itsong, sa Maeara
Sa Maeara, Itsong, sa Maeara
Igto kita magkilita.
Magdaea ka't tigawnan ag eago
Mamuunit kita igto.
***
Sa Jawili
Pag-agto ko sa Jawili
Hakita ko si Sunz ag si Bee
May daea nga Sunflower ag Tulips
Sa buhok kuno nanda isab-it.

***
May Sangka Paka

May sangka unga,
Nag-agto sa suba;
Nakakita imaw it paka,
Nagabika-bika.
Pag-abot it baha,
Naanod ro paka,
Owa na madaea
Ra bugtong nga unga.


***

Amigo Namon

Pamati sa amon nga mga amigo
Si Baka--maa, maa, maa
Si Baboy--ngok, ngok, ngok
Si Bantay--aw, aw, aw
Si Manok--tukturuok, tukturuok
Si Kanding---meeheee, meeheee
Si Annie nag-ililihi!

***
Si Lola

Si Lola Juana
Nag-agto sa kusina
Mabueo imaw it mamon
Para sa ayam namon--
Ahay kinaon eon gali
Ku kuring namon.

***
Tik Tok

Tik tok, tik tok
Nagsaot si Itsong.
Ahay sa kakaliksi-liksi na
Sa saeog imaw nadanlog.



________
The following nursery rhymes were contributed by my friends:
;

Chily, Chily con Carne
Bigyan mo ako ng botete
Ibigay ko sa duwende. –Tata Goloy

***
Cheeeze SWISS
Malinamnam
Masarap na palaman. –Tata Goloy
***

Maeara

Ni Cirilo Castillo

Maeara, Maeara
Sis bomba
Talo kami,
Panalo ka !
***
Sunz, Sunz Blues
Ni Cirilo Castillo
Sunz, Sunz blues
Over the rainbow
Over you.
***

Ni Cirilo Castillo
Pretty-pretty boy
Mommy's here
Please don't cry!
***
Sabi ng Baboy
ni Cirilo Castillo
Sabi ng baboy
Anak ko si Urok.
Sabi ng tandang
Ko ko rok kok kok.
***
Si Tata Goloy sa Bantod
Author: Unknown
"Si Tata Goloy sa bantod
May baeay imaw nga pawod
Pintado't asul, puti, ag dueaw
May bandira pa sa ibabaw."
***
Lo Celso
Ni Edna Laurente Faral

"Lo Celso, Lo Celso,
taw-i ako't piso,
pambakae it pustiso."
"bunso, bunso,
hara ro pustiso,
agod magkapiso."—

Mga Gin-eubad Ko nga mga Binaeaybay

Mga Unga Dali Maghampang Kita
Anonymous
Gin-eubad ni Melchor F. Cichon
March 31, 2018

Mga unga, dali mahampang kita.
Buko't mahayag ro buean parehas it adlaw.
Aywi ring iapon ag ring pagtueog,
Ibhan ring kahampang sa karsada.
Magsinggit ag magtawag.
Agto nga may mayad nga kabubut-on
O sa inyong baeay eon lang  magpahimunong.