Search This Blog

Saturday, August 06, 2011

Ro Napueo nga Eupog

Gin-Inakeanon ni Melchor F. Cichon
August 7, 2011

Kato anay, may mabuot nga manogbueong. Ra ngaean hay si Lolo Jose. Pero abu pa gihapon ro nakapati kana sa anang abilidad. Eain abi ra hasayran sa pagbueong.

Ro hambae ku kaabuan hay naghalin kuno sa ibabaw ro anang kinaadman sa pagbueong ay ginapamayad nana tanan ro mga kaeain-eain nga mga sakit. Ro mga pasyente nga indi masarangan it medisina hay napamayad nana gihapon. Ginapakita nana ro mga bulag. Ginapabati nana ro mga bungoe. Ginapapanaw nana ro mga eupog.

Owa gasukot it maski ano nga bayad si Lolo Jose sa anang pagbueong. Maski sa hangae eang hay owa gid imaw gasukot sa anang mga napamayad. Bastanti eon kana nga mapasaeamatan imaw. Pero kon may magtao kana it prutas ag tinuean-on hay ginabaton man nana ron ag ginapasaeamatan.

Sangka adlaw hay may napueong mga eaki nga gindaea sa magueang ku mga napamayad eon nana. Gasakay sanda sa kariton ag ginatueod it mga tawo.

“Ano ro gusto ninyo?” mahinay nga pangutana sa napueo nga tawo.

“Gusto namon nga makatikang,” dungan nga sabat nanda.

Nagtindog si Lolo Jose. Tigsambilog nana nga ginpaeapitan ro mga eupog. Ag tigsambilog nga ginhikap sanda tanan.

Naghipos tanan ro mga tawo. Gusto nana nga masayran kon ano ro matabo.

“Sige, magtindog eon kamo tanan,” ro hambae ni Lolo Jose pagkatapos nana nga mahikap ro napueo nga mga eupog.

“Tan-awa ninyo! Tan-awa ninyo! Nakatindog ag nakatikang eon sanda tanan!, ro hambae ku mga tawo nga nakakita sa natabu.)

Sa kalipay hay madasig nga nagtikang ro anay nga eupog. Masadya ro tanan. Pagkataliwan it tatlong oras hay may sambilog nga nagbalik sa sapueo nga anay eupog. Ag nagpasaeamat kay Lolo Jose.

Nagkasubo si Lolo Jose.

Napueo sanda tanan, ag sambilog eang ro nagbalik ag nagpasaeamat?” ro pangutana ni Lolo Jose sa mga tawo nga igto.



Source: Mga Parabula ni Tony Encarnacion, 2008.